जेठ २३,काठमाडौँ । म्यान्मारमा रहेका नेपालीहरुलाई लिएर जहाज काठमाडौँ आइपुगेको छ । म्यान्मारले आफ्नो सेनाको विमानमा राखेर नेपालीलाई स्वदेश फर्काएको हो ।
म्यान्मारबाट आज स्वदेश फर्केका २६ जना नेपालीहरुलाई विमानस्थलबाट होल्डिङ सेन्टरमा लगिएको छ । त्रिभुवन विमानस्थलमा ओर्लिएपछि उनीहरुलाई नेपाली सेनाले होल्डिङ सेन्टरमा लगेको हो ।
आज बिहान स्वदेश फर्केका २६ जना मध्ये प्रदेश १ घर भएका एकजनालाई भक्तपुर र अरु सबैलाई बसुन्धरास्थित होल्डिङ सेन्टरमा राखिएको हो । केही घण्टाको आरामपछि उनीहरुलाई सेनाको टोलीले नै घर पुर्याउने छ ।
म्यान्मारबाट आउने नेपालीको टोलीमा सबैभन्दा बढी बागमती प्रदेशका १७ र सबैभन्दा कम प्रदेश–१ का एक जना छन्। म्यान्मारमै पीसीआर परीक्षण भएकोले आज फर्केका उनीहरु सबै २६ जनालाई होम क्वारेन्टीनमा बस्ने सुविधा दिइएको छ ।
प्रतिक्रिया दिनुहोस