सिन्धुपाल्चोक लिदी पहिरोमा ज्यान गुमाएका ११ जनाको सनाखत

साउन ३१, सिन्धुपाल्चोक। सिन्धुपाल्चोकको जुगल–२ लिदीमा शुक्रबार पहिरो जाँदा पुरिएर मृत्यु भएका ११ जनाको सनाखत भएको छ ।

शव भेटिएका सबै ११ जनाको पहिचान खुलेको जिल्ला प्रहरी कार्यालयका डिएसपी माधव काफ्लेले जानकारी दिए ।

ज्यान गुमाउनेमा टीकामाया दोङ, छिरिङ दोङ, जिताई झाक्री, मिलन दोङ र सानु दोङ रहेका छन् । यस्तै जयबहादुर दोङ, दावा ल्हामु दोङ, तारल्हमो दोङ, पिर्ती दोङ, धनमाया दोङ र रिमेक्स दोङको पनि ज्यान गएको छ ।

लामाटोलमा शुक्रबार बिहान साढे ६ तिर गएको गएको पहिरोमा परेका २७ जना अझै बेपत्ता छन् । उनीहरुको खोजी भइरहेको प्रहरीले जनाएको छ ।