असार २५, काठमाडौं। नेपालमा कोरोना भाइरस संक्रमितको संख्या १६ हजार ५ सय ३१ पुगेको छ ।
पछिल्लो २४ घण्टामा १०८ जनामात्र नयाँ संक्रमित थपिएसंगै जम्मा संक्रमित १६ हजार ५ सय ३१ पुगेका स्वास्थ्य तथा जनसंख्या मन्त्रालयका प्रवक्ता डा. जागेश्वोर गौतमले बताउनुभयो ।
केही सातामा थपिएको संक्रमणमा यो सबैभन्दा कम संख्या हो ।
पछिल्लो २४ घण्टामा १ सय ३९ जना कोरोना जितेर डिस्चार्ज भएका छन् ।
हालसम्म कोरोनाबाट निको हुनेको संख्या ७ हजार ८ सय ९१ पुगेको मन्त्रालयले जनाएको छ ।
पछिल्लो २४ घण्टामा ४ हजार ५ सय ८८ जनाको मात्र पीसीआर परीक्षण भएको छ ।
हाल २४ हजार ४ सय २५ जना क्वारेन्टिनमा बसेका छन् ।
त्यस्तै ८ हजार ६ सय ५ जना आइसोलेसनमा रहेका छन् ।
पाँच जिल्ला धनकुटा, भोजपुर, सोलुखुम्बु, मुस्ताङ्ग र हुम्ला कोरोनामुक्त भएका छन् ।
अहिलेसम्म कोरोनाबाट ३५ जनाको मृत्यु भएको छ ।
प्रतिक्रिया दिनुहोस