१० जना वरिष्ठ उपरीक्षक एसएसपी नायब महानिरीक्षक डीआईजीमा बढुवा सिफारिस

नौलो समाचार संवाददाता
२०७६ चैत्र २९, शनिबार मा प्रकाशित ३०५ पटक पढिएको
१० जना वरिष्ठ उपरीक्षक एसएसपी नायब महानिरीक्षक डीआईजीमा बढुवा सिफारिस

चैत्र २९, काठमाडौं । नेपाल प्रहरीका १० जना वरिष्ठ उपरीक्षक एसएसपी नायब महानिरीक्षक डीआईजीमा बढुवा सिफारिस भएका छन् । बढुवा सिफारिस हुनेमा एसएसपी घनश्याम अर्याल, प्रकाश कार्की, बसन्तकुमार पन्त, ईश्वरबाबु कार्की, सहकुल बहादुर थापा, धीरजप्रताप सिंह, बसन्तकुमार लामा, रबिन्द्रबहादुर धानुक, उत्तमराज सुवेदी र अरुणकुमार बिसी छन् ।

उनीहरुलाई गएराती गृहमन्त्रालयमा बसेको बढुवा समितिले डीआईजीमा बढुवा सिफारिस गरेको हो । डीआईजी बढुवाका लागि गृहसचिवको नेतृत्वमा प्रहरी महानिरीक्षक आईजीपी सदस्य र एक जना एआईजी सदस्य सचिव रहने व्यवस्था छ ।

गत सोमबार बसेको मन्त्रीपरिषद्को बैंठकले साधारण सेवा तर्फको २६ जना डीआईजीको दरबन्दी मध्ये १४ जना मात्र कायम गरेपछि बढुवाको बाटो खुलेको हो । गत माघ २८ गतेदेखि २६ मध्ये २२ पद रिक्त थिए । १० जना बढुवासँगै अब १४ जना दरबन्दी भएको डीआईजी पदपुर्ति भएको छ । ४ जना यसअघिनै कार्यरत छन् । १० जना डीआईजीको लागि ३४ जना प्रतिस्पर्धामा थिए ।

प्रतिक्रिया दिनुहोस