“एक हुल बाँदरहरु”

कुखुरीले अण्डा पारेपछि
कराउँदाको क्षणमा
हात्ती नै पाए जस्तो गरि
चिच्याएको देख्दा।

परिवर्तनका केहि अँश
आशाका किरणहरु
मेरै नजरको समिप
वरिपरि छाउँदा।

सोच र खोजको
परिणामै निकालौैंला
जस्तै गरेर
मुटुभित्र राज गरेका

आखिर देखाई छाडे
आफ्नो जात र बानी
धुजा धुजा देश बनाई
अन्धकारतिर धकेल्दै।

क्रान्तिको भ्रम छरेर
छदमभेषि रुपमा
सिँहदरबार खोक्रो बनाई
निस्किए एक “हुल बाँदरहरु”

-पूर्णबहादुर श्रेष्ठ “हृदयङकृत”
पनौती न.पा.-३,काभ्रे