ज्योतिष परिषद काभ्रेको अध्यक्षमा नवराज

बनेपा– नेपाल ज्योतिष परिषद काभ्रेको छैटौं जिल्ला अधिवेशनले ज्योतिष नवराज ढकालको अध्यक्षतामा नयाँ जिल्ला कार्यसमिति चयन गरेको छ ।

बुधवार बनेपामा सम्पन्न अधिवेशनले ढकालको अध्यक्षतामा १८ सदस्यीय जिल्ला समिति निर्विरोध निर्वाचित गरेको हो ।

समितिको उपाध्यक्षमा नारायणप्रसाद दाहाल, टंकप्रसाद दाहाल र शिवकुमार खतिवडा, सचिवमा लालप्रसाद पौडेल, सहसचिवमा हरेराम बजगाईं र इन्द्रप्रसाद तिमल्सिना तथा कोषाध्यक्षमा सविना तामाङ र सहकोषाध्यक्षमा नविनप्रसाद तिमल्सिना छन् । सदस्यमा भुवनेश्वर तिमल्सिना, परमेश्वर सापकोटा, डिल्लीराम चौलागाईं, यादवप्रसाद चौलागाईं, दुर्गाप्रसाद दाहाल, निर्मला पराजुली भट्टराई, रविकराज कायस्थ, पुष्पा माता र रत्नप्रसाद बञ्जारा छन् ।

परिषदका जिल्ला अध्यक्ष सरोज खतिवडाको सभापतित्वमा भएको कार्यक्रममा केन्द्रीय कार्यकारी अध्यक्ष कमलप्रसाद काफ्ले लगायतले ज्योतीष क्षेत्रबारे चर्चा गरे ।