बनेपा— मोटरसाइकल चोरीमा संलग्न दुई युवालाई प्रहरीले पक्राउ गरेको छ ।
बनेपा नगरपालिका वडा नं ७, अरनिको पार्टी प्यालेस नजिकै पार्किङ गरी राखेको २ सय सिसिको बा ९६ प २१७१ नम्बर को रातो रंगको एन.एस पल्सर मोटरसाईकल चोरीमा संलग्न पनौती नगरपालिका वडा नं २ का २० वर्षीय विवेक तामाङ र बनेपा नगरपालिका वडा नं ९ का १९ वर्षीय निरन विश्वकर्मा रहेको जिल्ला प्रहरी कार्यालय काभ्रेपलाञ्चोकका सूचना अधिकारी रहेका प्रहरी नायब उपरीक्षक (डिएसपी) मीनबहादुर घलेले जानकारी दिए ।
उनका अनुसार, साउन १९ गते बेलुका साढे ८ बजे चोरी भएको उक्त मोटरसाइकल विवेकको घरमा लुकाएको अवस्थामा प्रहरीले साउन २२ गते विहान ६ बजे फेला पारेको थियो । विवेक र निरनलाई पनि सोही स्थानबाट पक्राउ गरिएको हो ।
पक्राउ परेका उनीहरुमाथि चोरी मुद्दा दर्ता गरी अनुसन्धान भईरहेको जिल्ला प्रहरी कार्यालय काभ्रेले जनाएको छ ।
प्रतिक्रिया दिनुहोस