काभ्रेको बनेपामा कोरोना भाइरसको प्रभाव कम गर्न किटनाशक औषधि छरियो

चैत १७, काभ्रे । काभ्रेको बनेपा नगरपालिकाले कोरोना भाइरसको असर कम गर्न नगरपालिका क्षेत्रका सबै स्थानमा ‘डीसइन्फेक्सन स्प्रे’ शुरु गरेको छ ।

कोरोना भाईरस (कोभीट-१९) को सम्भावित जोखिम न्यूनीकरणको लागि बनेपा नगरपालिकाद्वारा नगर क्षेत्रभित्र डीसइन्फेक्सन छर्किने कार्य प्रारम्भ भएको हो । गरिब र ज्यालादारीमा काम गर्ने परिवारको प्रत्येक वडामा तथ्यांक संकलन गरि राहत उपलब्ध गराउने र नगरमा खाद्यान्न अभाव हुन नदिन र कुनै समस्या भएमा फोन गर्न हटलाइनको व्यवस्था गरिएको बनेपा नगर प्रमुख लक्ष्मी नरहसिह बादेले जानकारी दिए।

आजबाट सुरु गरिएको औषधि छर्ने कार्य विशेषगरि मानिस बढी चहलपहल हुने स्थानमा गरिएको हो ।