बैशाख ३, काभ्रे । जिल्ला प्रशासन कार्यालय काभ्रेले आजबाट पैदलयात्रीलाई समेत प्रवेश गर्न रोक लगाएपछि २९६ जना पैदल यात्रीलाई जताबाट आएका हुन त्यसतर्फ नै फर्काइएको छ ।
साँगाभञ्ज्याङ नाका सहितका नाकाबाट काभ्रे हुदैँ विभिन्न जिल्ला हिडेका पैदल यात्रुलाई फिर्ता पठाइएको जिल्ला प्रहरी कार्यालय काभ्रेले जनाएको छ ।
प्रहरीले पहिलो पटक काभ्रे प्रवेश गर्न खोज्ने पैदल यात्रुलाई जुन ठाउँबाट आएको हो सोहि ठाउँ फिर्ता पठाएको हो ।
यसैगरी प्रहरीले लकडाउकाे उल्लंघन गर्ने ४० जनालाई कोरोना भाइरस सम्बन्धी सचेतनामुलक अनुशिक्षण दिएर छाडेको छ ।
लकडाउन उल्लंघन गर्ने २१ वटा मोटरसाइकल, ४ वटा स्कुटर, एउटा कार २वटा बोलेरो गाडी गरी २८ वटा सवारी साधन कारबाहीमा परेका छन् ।
प्रतिक्रिया दिनुहोस