बैशाख ५, काभ्रे । विभिन्न मुलुकबाट स्वदेश आएका २५१ जना कै परीक्षण सकिएको छ । फागुन ३० गते यता विदेशबाट आए २५१ जना कै द्रुत परीक्षण मार्फत कोरोना भाइरस परीक्षण गरिएको थियो ।
विदेशबाट आएका कारण कोरोनाको त्रास बढेको गुनासो बढेपछि गृह मन्त्रालयले स्वास्थ्य कार्यालय मार्फत जिल्लाका स्थानीय तहका स्वास्थ्य शाखा मार्फत विदेशबाट आएकाको द्रुत परीक्षण गरेको थियो । स्वास्थ्य कार्यालय काभ्रेका प्रमुख नरेन्द्रकुमार झाले विदेशबाट आएका २५१ जना कै परीक्षण सकिएको जानकारी दिए ।
विदेशबाट आएका सबैको परीक्षण सकिएको छ, रिपोर्टमा पनि कसैलाई पनि कोरोना देखिएको छैन । अर्थात रिपोर्ट नेगेटिभ आएको छ । ¥यापिड डाइग्नोष्टिक टेष्ट (आरडीटी) मार्फत विदेशबाट आएकाको परीक्षण गरिएको थियो । जसमा दुई जनामा पोजेटिभ देखिएपछि धुलिखेल अस्पतालमा पिसिआर बिधि मार्फत परीक्षण गर्दा नेगेटिभ आएसँगै २५१ जना मै कोरोना भाइरस नभएको पुष्टी भएको थियो ।
प्रतिक्रिया दिनुहोस