काभ्रेमा आज थपिए ३ नयाँ संक्रमित, खोप अभियान थप १ दिन सञ्चालन गरिने

काभ्रे जिल्लामा कोभिड-१९ बिरुद्धको पहिलो चरणको खोप कार्यक्रम अन्तिम चरणमा पुगेको छ । यहि माघ १४ गते देखि सुरु भएको कोरोना भ्याक्सिनको खोप कार्यक्रममा बुधबारसम्म ३ हजार ३ सय ७ जनाले लगाएको जिल्ला स्वास्थ्य कार्यालय काभ्रेले जनाएको छ ।

खोप लिन बाँकि रहेका लक्षित समुह९स्वास्थ्यकर्मीहरु, फोहर ब्यवस्थापनमा संलग्न संकलक तथा चालकहरु, सरसफाइकर्मीहरु, एम्बुलेन्स चालकहरु तथा महिला स्वास्थ्य स्वंयसेविकाहरुका लागि माघ २३ गते शुक्रबार प्राथमिक स्वास्थ्य केन्द्र धुलिखेलमा कोभिड-१९ विरुद्धको खोप अभियान थप १ दिन सञ्चालन गरिने जिल्ला स्वास्थ्य कार्यालय काभ्रेका प्रमुख डा।नरेन्द्रकुमार झाले जानकारी दिनुभयो।

डा। झाले खोप लिन बाँकि रहेका लक्षित समुहका ब्यक्तिहरुले स्थानिय तहका स्वास्थ्य संयोजकसँगको समन्वयमा खोप सेवाको लागि परिचय पत्र सहित प्राथमिक स्वास्थ्य केन्द्र धुलिखेलमा १०:०० वजे देखि ४:०० वजे भित्र उपस्थित भइदिनुहुन तथा सवै स्वास्थ्य संयोजकहरुलाई यस कार्यमा सहजिकरण तथा सूचना सम्प्रेषण गरिदिन पनि अनुरोध गर्नुभएको छ।