पनौती नगरपालिकाले एक सय भन्दा धेरै योजनाको अनुगमन गर्ने

माघ, २४, काभ्रे। पनौती नगरपालिकाको अनुगमन समितिले चालु आर्थिक बर्षमा एक सय वटा भन्दा धेरै योजनाको अनुगमन गर्ने भएको छ । उपप्रमुख गिता बञ्जाराको संयोजकत्वमा रहेको अनुगमन समितिले चालु आर्थिक बर्ष २०७७/७८ मा एक सय वटा भन्दा धेरै योजनाको अनुगमन गर्न लागेको हो ।

अनुगमन गरिने योजनामा सबैभन्दा धेरै सडक स्तरउन्नती, खानेपानी र सिँचाई लगायतका कार्यक्रम रहेका छन् । नागरिकहरुको आवश्यकताको आधारमा योजना छनौंट गरी कार्यक्रम अघि बढाइएको कारण हाल सम्म गरिएको अनुगमनमा काम निकै राम्रो भएको पाइएको छ ।

दोहोरो अनुगमन नहुदाँ काम पनि दोहोरो हुने समस्यालाई कम गराउन नगरपालिका लागि परेको नगरपालिकाका उपप्रमुख एवमं अनुगमन समितिका संयोजक बञ्जाराको भनाई छ । हाल सम्म भने नगरपालिकाको अनुगमन समितिले २० वटा भन्दा धेरै योजनाको अनुगमन गरिसकेको छ।