४ भदौ, काठमाडौं। सरकारले कोरोना संक्रमितको उपचारको लागि २० प्रतिशत बेड नछुट्याउने निजी अस्पतालहरूलाई दिइएइको पीसीआर परीक्षण अनुमति खारेज गर्ने निर्णय गरेको छ ।
पछिल्लो समय निजी अस्पतालहरू कोरोना संक्रमितका लागि बेड छुट्याउन तयार नदेखिएपछि मन्त्रालयले पीसीआर अनुमति खारेज गर्ने निर्णय गरेको हो ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार कोरोना संक्रमितको उपचारको लागि २० प्रतिशत बेड नछुट्याउने निजी अस्पतालहरूलाई दिइएको पीसीआर परीक्षण अनुमति खारेज गर्ने मन्त्रालयले निर्णय गरेको छ ।
कोरोनाका बिरामीका लागि एक तिहाइ बेड छुट्याउने मेडिकल कलेज र प्रतिष्ठानलाई पीसीआर प्रयोगशाला सञ्चालन गर्न दिने निर्णय मन्त्रालयले गरेको थियो ।
निजी अस्पतालहरुले २० प्रतिशत र मेडिकल कलेजहरुले एक तिहाई बेड छुट्याएर कोरोन संक्रमित विरामीको उपचार गर्नुपर्ने बताईएको छ ।
गत साउन ३० गते मन्त्रालयले सूचना जारी गरेर निजी अस्पताल, प्रतिष्ठान र मेडिकल कलेजहरुलाई २० प्रतिशत बेड कोरोना संक्रमितको उपचारको लागि छुट्याउन निर्देशन दिएको थियो ।
प्रतिक्रिया दिनुहोस