फागुन २९, एजेन्सी । डिफेन्डिङ च्याम्पियन लिभरपुल च्याम्पियन्स लिगबाट बाहिरिएको छ । गएराती सम्पन्न च्याम्पियन्स लिगको अन्तिम १६ को दोस्रो लिगमा लिभरपुल एथ्लेटिको मड्रिडसँग ३-२ गोल अन्तरले पराजित हुदै समग्रमा ४-२ गोल अन्तरले पराजित हुदै च्याम्पियन्स लिगको अन्तम १६ बाटै बाहिरिएको हो ।
योसँगै एथ्लेटिको मड्रिड च्याम्पियन्स लिगको क्वाटरफाइनलमा पुगेको छ । एटलेटिकोको जितमा मार्कोस लिओरेंटले दुई गोल गरेका थिए भने अल्भारो मोरटाले एक गोल गरेका थिए । त्यस्तै लिभरपुलका लागि जर्जिनियो विजनाल्डम र रोबेर्टो फिर्मिनोले एक एक गोल गरेका थिए ।
निर्धारित ९० मिनेटको खेलमा लिभरपुल १-० ले अगाडि भएपछि समग्रमा १-१ गोलको बराबरी भएपछि खेल अतिरिक्त ३० मिनेट खेलाइएको थियो । अतिरिक्त ३० मिनेटको खेलमा एथ्लेटिकोले ३ गोल गर्यो भने लिभरपुलले १ गोल गरेको थियो । योसँगै एथ्लेटिको मड्रिड, पिएसजी, आरबि लेइपजिंग र एटलान्टा च्याम्पियन्स लिगको क्वाटरफाइनलमा पुगेका छन् ।
प्रतिक्रिया दिनुहोस