बैशाख ७, काभ्रे। योग तथा रोशी गाउँपालिकाको पर्यटनलाई प्रवर्दन गर्ने उद्देश्य सहित काभ्रेका वसन्त तामाङ विश्वको सर्वोच्च शिखर सगरमाथा आरोहण गर्ने क्रममा रहेका छन् । युवा पर्वतारोही तथा योग शिक्षक तामाङ आज (मंगलबार) लोबुचे हिमालको आरोहण गरेका छन् ।
उनले ६ हजार ११९ मिटर अग्लो हिमाल लबुचेमा पुगेर रोशी गाउँपालिका तथा अष्टांग योग नेपालको झण्डा फहराएका छन्।
रोशी गाउँपालिका वडा नं. १२ का युवा पर्वतारोही बसन्त तामाङ योग शिक्षक पनि हुन् । तामाङ अष्टांग योग नेपालका साथै देश तथा विदेशबाट आर्थिक सहयोग पाएका छन् । सगरमाथाको चुचुरोमा पुगेर योगको एउटा आसन गरेर योग पर्यटनलाई प्रवर्दन गर्ने उद्देश्य रहेको उनले बताएका छन् ।
तामाङ नेपालबाट योग क्षेत्रबाट पहिलो विश्वको सर्वोच्च शिखर सगरमाथा आरोहण गर्ने पहिलो पर्वतारोहि हुने छन् ।
उनलाई गत चैत्र १९ गते रोशी गाउँपालिकाका अध्यक्ष डि.बि लामाले रोशीको झण्डा हस्तान्तरण सहित सगरमाथा आरोहणका लागि शुभकामना बिदाइ गरेका थिए ।
प्रतिक्रिया दिनुहोस