चैत्र २४, काठमाडौं । सरकारकाले देशभरी विभिन्न १० स्थानबाट कोरोना भाइरस (कोभिड—१९) को नमुना परीक्षण सुरु गरेको छ ।
काठमाडौंसहित धुलिखेल, धरान, हेटौंडा, पोखरा, वुटवल, सुर्खेत, धनगढी, भरतपुर र भैरहवामा नमूना परीक्षण शुरु गरिएको हो । देशभर अहिलेसम्म राष्ट्रिय जनस्वास्थ्य प्रयोगशाला टेकुमा १ हजार ६ सय ९७ जनाको नमुना परीक्षण गरिएको छ ।
स्वास्थ्य तथा जनसंख्या मन्त्रालयमा आज भएको नियमित पत्रकार सम्मेलनमा दिइएको जानकारी अनुसार काठमाडौं उपत्यकामा १२ सहित १ सय ७ जना आइसोलेसनमा रहेका छन् । देशभरी ९ हजार १ सय ६८ जना क्वारेन्टाइनमा रहेको मन्त्रालयका प्रवक्ता विकास देवकोटाले जानकारी दिए ।
हिजाे आइतबारसम्म १ हजार ५ सय २९ को परीक्षण गरिएकोमा आज (सोमबार) १ सय ६८ को नमुना परीक्षण गर्दै १ हजार ६ सय ९७ को कोरोना परीक्षण भएको हो।
वितेको २४ घण्टामा गरिएको १ सय ६८ को परीक्षणमा कोरोना नेगेटिभ देखिएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार देशभरका १० वटा ठाउँबाट पिसिआर प्रविधिमार्फत कोरोना परीक्षण भइरहेको छ।
उनका अनुसार १ हजार २ सय ९१ जनाले मोबाइलमा कोरोना परीक्षणको इन्ट्री गराएकोमा पछिल्लो २४ घण्टामा ५ जना रेड जोनमा परेका छन्।
कोभिड १९ का लागि काठमाडौंमा १० वटा एम्बुलेन्स तयारी अवस्थामा राखिएको देवकोटाले बताए।
प्रतिक्रिया दिनुहोस