चट्याङ लागेर मकवानपुरमा दुई जनाको मृत्यु, एक घाइते

नौलो समाचार संवाददाता
२०७७ अषाढ ११, बिहिबार मा प्रकाशित ३८८ पटक पढिएको
चट्याङ लागेर मकवानपुरमा दुई जनाको मृत्यु, एक घाइते

असार ११, हेटौँडा । अविरल वर्षासँगै परेको चट्याङ लागेर मकवानपुरमा आज दुई जनाको मृत्यु भएको छ।

मृत्यु हुनेमा मकवानपुर बकैया गाउँपालिका–२ का बुद्ध घिसिङकी १७ वर्षीया छोरी सम्झना घिसिङ र आशालाल घिसिङकी २५ वर्षीया श्रीमती विना घिसिङको रहेको प्रहरीले जनाएको छ।

सम्झना घरमै बसिरहेको अवस्थामा र विनाको स्थानीय दोभान स्वास्थ्य चौकीमा उपचारको क्रममा मृत्यु भएको जिल्ला प्रहरी कार्यालयले जनाएको छ।

यस्तै चट्याङ लागेर घाइते भएका स्थानीय पूर्णबहादुर जिम्बाका १४ वर्षीय छोरा किरण जिम्बाको सो स्वास्थ्य चौकीमा उपचारको लागि भर्ना गरिएको छ।

अविरल वर्षाले तरकारी बालीमा असर पारेको स्थानीय किसानको गुनासो छ।

प्रतिक्रिया दिनुहोस