प्यूठानभर फैलियो कोरोना, संक्रमितको संख्या २५८ पुग्यो

नौलो समाचार संवाददाता
२०७७ अषाढ १३, शनिबार मा प्रकाशित २६४ पटक पढिएको
प्यूठानभर फैलियो कोरोना, संक्रमितको संख्या २५८ पुग्यो

असार १३, प्यूठान । प्यूठान जिल्लाका सबै स्थानीय तहमा कोरोना फैलिएको छ । ९ स्थानीय तहमध्ये झिमरुक गाउँपालिकामा सबैभन्दा पछि कोरोना संक्रमण देखिएको हो।

शुक्रवार साझ प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा झिम्रुक गाउँपालिकाका ७ जना,माण्डबी गाउँपालिकाका ३७ जना, र नौवहिनि गाउँपालिकाका ३ जनामा कोरोना संक्रमण देखिएको छ। माण्डबि गाउपालिकामा देखिएका ३७ जना संक्रमित मध्ये दुई जना भने सुरक्षाकर्मी छन। उनिहरु क्वारेन्टाईन बाहिर थिए। स्वास्थ्य कार्यालयका फोकल पर्सन पुस्कल श्रेष्ठले दिएको जानकारी अनुसार जिल्लामा संक्रमितको कुल संख्या २५८ पुगेको छ।

शुक्रबार साँझ मात्रै प्यूठानमा थप ४७ जनामा कोरोना भेटिएको हो। जसमा १७ वर्षदेखि ६० वर्ष उमेरसम्मका ४४ पूरुष र ३ जना महिलामा रहेका स्वास्थ्य कार्यालयले जनाएको छ। अब जिल्लामा सबैभन्दा धेरै पयुठान नगरपालिकामा ७६ जना संक्रमित पुगेका छन भने सबैभन्दा थोरै गौमुखि गाउँपालिकाका ३ जना छन ।

जिल्लामा धेरैजसो भारतबाट आएकामा कोरोना देखिएको हो। प्युठानमा २ जना कोरोना संक्रमित निको भएर घर फर्केका छन्।

कुन स्थानीय तहमा कति संक्रमित हेर्नुहोस।

*प्यूठान नगरपालिका – ७६ जना

*माण्डबि गाउपालिका – ६९

*स्वर्गद्धारी नगरपालिका – २६

*नौबहिनी गाउपालिका – २६

*ऐरावती गाउपालिका – ३३

*सरुमारानी गाउपालिका – ९

*मल्लरानी गाउपालिका – ९

*झिमरुक गाउपालिका – ७

*गौमुखी गाउपालिका – ३

प्रतिक्रिया दिनुहोस


error: Content is protected !!