काभ्रेमा थप एक जनामा कोरोना संक्रमण, बेथानचोकका संक्रमित डिस्चार्ज

असार १७, काभ्रे ।  काभ्रेमा थप एक जनामा कोरोना भाइरस संक्रमण पुष्टि भएको छ ।

जिल्लाको बनेपा नगरपालिका वडा न १० का २४ बर्षीय युवतीमा कोरोना सङक्रमण पुष्टि भएको जिल्ला स्वास्थ्य कार्यालय काभ्रेको प्रमुख डा. नरेन्द्र कुमार झाले बताए ।

डा.झाका अनुसार संक्रमित ब्यक्ति कुबेतम काम गर्दै आएकोमा जेठ २९ गते नेपाल फकेको थिइन । उनलाई टेकु हस्पिटललाने तयारी भएको प्रमुख डा.झाले बताए ।

उनको स्वाब परीक्षण पछि उनमा कोरोना संक्रमण पुष्टि भएको हो । उनी जिल्लाको सातौ कोरोना सक्रमित हुन् । यस अघि जिल्लामा ६ जनामा कोरोना सक्रमण देखिएको थियो । संक्रमितहरु मध्य ५ जना उपचार पश्चात निको भएर घर फर्किसकेका छ्न् भने एक जना टेकु हस्पिटलमा उपचारको क्रममा छन ।

बेथानचोकमा भेटिएको संक्रमित डिस्चार्ज

यसैबीच काभ्रेको बेथानचोक गाउँपालिकाका एकजना संक्रमित युवा उपचार पछि घर फेर्केका छन् । जिल्ला स्वास्थ्य कार्यालय, काभ्रेका प्रमुख डा. झाका अनुसार ती युवा आज डिस्चार्ज भएका हुन् । काभ्रेमा दास्रोपटक काेराना भेटिएका ती युवाको टेकुमा उपचार भइरहेको थियो ।

यससँगै कोरोना संक्रमण निको भएको संख्या काभ्रेमा ६ पुगेको छ ।