केरुङ च्छो ताल फुट्ने सम्भावना, सुनकोशी किनारका बासिन्दालाई काभ्रे प्रशासनको अनुरोध

साउन ७, काभ्रे। जिल्ला प्रशासन कार्यालय काभ्रेले सुनकोशी किनारमा रहेका बस्तीका समुदायलाई सचेत रहन अनुरोध गरेको छ । चीनको खासामा रहेको केरुङ च्छो ताल अविरल वर्षाको कारण भरिन गइ फुट्ने सम्भावना रहेको भन्दै प्रशासनले सचेत रहन अनुरोध गरेको हो ।

ताल फुटेमा सुनकोशी नदीमा समेत जल प्रवाह आकस्मिक रुपमा बढ्न सक्ने देखिएकोले नदी किनारमा रहेका बस्तीमा बसोबास गर्ने सर्वसाधारणलाई सो नदी क्षेत्रमा प्रवेश नगर्न र जुनसुकै बेला सजग र सतर्क अवस्थामा रहन जिल्ला प्रशासन कार्यलय, काभ्रेले सार्वजानिक सूचना जारी गरेको छ ।

काभ्रे जिल्लाको भुम्लु गाउँपालिका, चौरी देउराली गाउँपालिका र तेमाल गाउँपालिकाका केही वडा सुनकोशी नदीसँग जोडिएका छन् ।

काभ्रे प्रशासनकाे सूचना