धुलिखेल / धुलिखेल अस्पतालमा एक सय शैयाको ट्रमा सेन्टर बन्ने भएको छ ।
काभ्रेपलाञ्चोक, रामेछाप, दोलखा, सिन्धुपाल्चोक, सिन्धुली, भक्तपुर जिल्लाका साथै विपी राजमार्गले जोड्ने तराईका जिल्लाहरुका गम्भीर घाइते र आकस्मिक स्वास्थ्य उपचार तत्काल आवश्यक भएका विरामीहरुलाई उपयुक्त उपचार प्रदान गर्ने उद्देश्यले सेन्टर स्थापना गर्न लागिएको हो ।
सन् २०२३ अक्टोबर र २०२५ मे मा नेपाल सरकार र जापान सरकारको रोहबरमा जापान इन्टरनेशनल कोअपरेशन एजेन्सी नेपाल र अर्थ मन्त्रालयबीच ३ दशमलव ८७९ विलियन जापानिज ऐन लगानी बराबरको सय शैयाको धुलिखेल अस्पताल ट्रमा तथा इमरजेन्सी सेन्टरको निर्माणको सम्झौतामा हस्ताक्षर भएको अस्पतालका प्रा. डा. दिपक श्रेष्ठले जानकारी दिए ।
जापानको टोडा कोअपरेशन टोकियोले निर्माण गर्ने परियोजनामा सिटीस्क्यान, एम.आर. आई मेसिन, शल्यक्रिया कक्ष, भेन्टिलेटर, एक्सरे मेशिन, अस्पतालका बेडहरुसहित २०२७ को जुन महिनामा हस्तान्तरण गरिनेछ ।
डा. दिपकका अनुसार, मृत्युको प्रमुख कारण बनिरहेको सवारी दुर्घटना र नेपालमा रुख, भिर, पाखाबाट लडेर हुने चोटपटकपछि घाइतेले शारीरिक र मानसिक क्षति बेहोर्नुपर्ने अवस्था छ ।
ट्रमा सेन्टर बुधबार प्रधानमन्त्री केपी शर्मा ओलीले शिलान्यास गर्नेछन् ।
प्रतिक्रिया दिनुहोस