भरतपुर अस्पतालमा एक कोरोना संक्रमितको मृत्यु, कोरोनाबाट मृतकको संख्या १५ 

नौलो समाचार संवाददाता
२०७७ जेष्ठ २७, मंगलबार मा प्रकाशित २९९ पटक पढिएको
भरतपुर अस्पतालमा एक कोरोना संक्रमितको मृत्यु, कोरोनाबाट मृतकको संख्या १५ 

जेठ २७, काठमाडौँ । चितवनमा उपचाररत रहेका कोरोना संक्रमित वृद्धको मृत्यु भएको छ । भरतपुर अस्पतालको कोभिड आईसीयूमा उपचाररत भरतपुर महानगर ११ का ६८बर्सिय पुरुषको मृत्युु भएको हो।

भरतपुर अस्पताल अन्तगर्तको कोभिड १९ विशेष अस्पतालका प्रमुख डा. प्रमोद पौडेलका अनुसार अधिकारीका अनुसार बिहान ७ः०५ बजे उनको मृत्यु भएको हो । पौडेलका अनुसार उनी नारायणी सामुदायिक अस्पतालको सघन उपचारकक्षमा भेन्टिलेटरमा रहेका थिए ।

शुक्रबार स्वाब परीक्षणका लागि पठाइएकामा सोमबार नतिजा आएको हो । जिल्लामा कोरोना सङ्क्रमणबाट मृत्यु भएका ती व्यक्ति पहिलो हुन् । यो सँगै नेपालमा कोरोना संक्रमणका कारण मृत्यु हुनेको संख्या १५ पुगेको छ ।

प्रमुख जिल्ला अधिकारी नारायणप्रसाद भट्टराईले शवको व्यवस्थापन नेपाली सेनाले गर्ने बताए ।

परिवारको परामर्शमा धार्मिक विधिअनुसार शव व्यवस्थापन गरिने उनले जानकारी दिए । सोमबार मात्र यहाँको प्रयोगशालामा स्वाब परीक्षण गरिएका ३१० मध्ये ३० जनामा कोरोना सङ्क्रमण देखिएको थियो ।

तीमध्ये २४ जनाले चितवनका विभिन्न ठाउँबाट स्वाब सङ्कलन गराएका थिए ।

प्रतिक्रिया दिनुहोस


error: Content is protected !!