अाज १५६ जनामा कोरोना संक्रमण पुष्टि, ५८ जना डिस्चार्ज

साउन ४, काठमाडौं। आज थप १५६ जनामा कोरोना संक्रमण पुष्टि भएको छ । यससंगै नेपालमा कोरोना संक्रमितहरुको संख्या १७ हजार ६ सय ५८ पुगेको छ । आज ५८ जना कोरोना संक्रमणमुक्त भएर घर फर्किएका छन् ।

हालसम्म ११ हजार ६ सय ९५ जनाले कोरोना जितिसकेका स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए । यस्तै देशभर हालसमम कोरोना संक्रमणबाट ४० जनाको मृत्यु भएको छ ।

काठमाडौं उपत्यकामा थप ३ जनामा कोरोना संक्रमण पुष्टि भएको छ । पछिल्लो २४ घन्टामा काठमाडौंका १ जना र ललितपुरका २ जनामा कोरोना संक्रमण भेटिएको हो ।

शुक्रराज ट्रपिकल तथा सरुवा रोग अस्पताल टेकुमा गरिएको परीक्षणमा काठमाडौंका १ जना र ललितपुरका २ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

अन्य संक्रमित देशका विभिन्न जिल्ला र स्थानका रहेेेका छन् । देशका विभिन्न २७ वटा प्रयोगशालामा ३ हजार ७४१ जनाको आरटी पीसीआर परीक्षणमा १५६ जना संक्रमित पाइएका हुन् ।