साउन ७, काभ्रे। मण्डनदेउपुर नगरपालिकाको वडा नम्बर ७ कालिदेवी प्राथमिक विद्यालयको क्वारेन्टाइन ब्यवस्थापनमा खटिएका एक पुरुषमा कोरोना संक्रमण पुष्टि भएको छ ।
मण्डनदेउपुर नगरपालिकाका क्वारेन्टाइन ब्यवस्थापक दिपक कुमार घिमिरेले स्वाब परीक्षणमा शंका लागेर थप परीक्षणका लागि धुलिखेल अस्पताल पठाइएको दाबी गरे पनि जिल्ला कमाण्ड पोष्टले भने संक्रमण भएको पुष्टि गरेको हो ।
स्वास्थ्य कार्यालय काभ्रेका प्रमुख डाक्टर नरेन्द्रकुमार झाले दैनिक उपलब्ध गराउने विवरणमा मण्डनदेउपुर नगरपालिकाको वडा नम्बर ७ घर भएका २९ बर्षीय पुरुषमा संक्रमण पुष्टि उल्लेख गरिएको छ । क्वारेन्टाइन ब्यवस्थापक घिमिरेले भने रिपोर्टमा शंका भएपछि थप परीक्षणका लागि धुलिखेल अस्पताल पठाएको भन्दै संक्रमण नै भन्न नमिल्ने बताएका थिए ।
संक्रमित ती पुरुषसँगै काम गर्ने अन्य ब्यक्तिमा समेत कोरोना संक्रमण नभएको बताइएको छ । उनी क्वारेन्टाइन भित्रै बस्ने ब्यक्ति भएकाले समुदायसम्म कोरोना फैलियो की भन्ने चिन्ता नलिन घिमिरेले आग्र गरे । तर स्थानीयहरुले भने ती संक्रमित पुरुष चिया पसल देखि मेला पातमा समेत सहभागि भएको भन्दै उनीसँग सम्पर्कमा आएका सबैको पीसीआर गर्न माग गरेका छन् ।
प्रतिक्रिया दिनुहोस