काभ्रेमा एकैदिन भेटिए १७ जना संक्रमित

संक्रमितकाे संख्या ९७
नौलो समाचार संवाददाता
२०७७ भाद्र २, मंगलबार मा प्रकाशित ७९५ पटक पढिएको
काभ्रेमा एकैदिन भेटिए १७ जना संक्रमित
corona kavre

भदाै २, काभ्रे। जिल्लामा अाज ठुलाे संख्यामा काेराेना संक्रमित फेला परेका छन् । काभ्रेमा एकैदिन १७ जनामा कोरोना पुष्टि भएकाे हाे ।

कोरोना संक्रमणका कारण अाज (मंगलबार) मृत्यु भएका धुलिखेल नगरपालिका-६ का ९८ वर्षिय वृद्ध रामचन्द्र श्रेष्ठको परिवारका ७ जनामा पनि काेराेेेना संंक्रमण पुष्टि भएकाे हाे ।

यस्तेैै, धुलिखेल अस्पतालका ६ जना स्वास्थ्यकर्मीमा कोरोना देखिएको हो ।

यस्तै, जिल्लामा प्रहरी सहित ४ जनामा कोरोना संक्रमित थपिएका छन् । जिल्ला प्रहरी कार्यालय काभ्रेका २ जना प्रहरी, स्पाईनल इन्जुरीमा कार्यरत एक जना स्वास्थयकर्मी तथा धुलिखेलका एक स्थानीय (वकील)मा कोरोना संक्रमण देखिएको स्वास्थ्य कार्यालय काभ्रेका प्रमुख डा. नरेन्द्र झाले जानकारी दिए ।

जिल्ला प्रहरीका २ जना संक्रमित विदा बसेर आएका हुन् । उनीहरू धुलिखेलमा रहेको क्वारेन्टाईनमा बसिरहेका जिल्ला प्रहरी प्रमुख एसपी रवि पौडेलले जानकारी दिए।

अाज थपिएका १७ जना सहित काभ्रेमा संक्रमितकाे संख्या ९७ पुुुगेकाे छ ।

प्रतिक्रिया दिनुहोस