काभ्रेमा २९ जनामा कोरोना संक्रमण, संक्रमितको संख्या २२०

भदौ १२, काभ्रे । काभ्रेमा शुक्रवार एकैदिन २९ जनामा कोरोना संक्रमण पुष्टि भएको छ ।

स्वास्थ्य कार्यालय काभ्रेका प्रमुख डा. नरेन्द्रकुमार झाले जिल्लामा २९ जना संक्रमित थपिएको जानकारी दिए।

थपिनेमा स्पाईनल इन्जुरी अस्पतालमा कार्यरत कर्मचारीहरु २० जना पुरुष र ७ जना महिला, शिर मेमोरियल अस्पतालका १ जना पुरुष र भुम्लु गाउँपालिकाकाका १ जना पुरुष सहित २९ जना रहेका छन् ।

यो सँगै जिल्लामा संक्रमितको संख्या २ सय २० पुगेको छ ।

स्वास्थ्य कार्यालय काभ्रेका प्रमुख डा। नरेनद्रकुमार झाले संक्रमण फैलिएको र नियन्त्रणका लागि स्वास्थ्कर्मीहरुको टिम परिचालन गरिएको बताउनु भयो । समुदाय र नागरिक समाजको सहयोगमा मात्र संक्रमण नियन्त्रणमा लिन सकिने भएकाले सचेत रहन डा. झाले आग्रह गरेका छन् ।

स्पाईनल पछि संक्रमित भएको क्षेत्र धुलिखेल अस्पताल हो । जहाँ ३१ जना स्वास्थ्यकर्मी संक्रमित छन् । प्रहरी २२ जना संक्रमित भएका छन् ।