काभ्रेमा थपिए २८ जना नयाँ संक्रमित, एक जनाको मृत्यु

असाेज १८, काभ्रे। काभ्रे जिल्लामा आज (आइतबार) २८ जना नयाँ कोरोना संक्रमित थपिएको जिल्ला स्वास्थ्य कार्यालय काभ्रेले जनाएको छ ।

कार्यालयका अनुसार आज थपिएका संक्रमितमध्ये धुलिखेल नगरपालिकाबाट ४ जना पुरुष, पनौती नगरपालिकाबाट १ जना महिला र २ जना पुरुष, पाँचखाल नगरपालिकाबाट २ जना पुरुष, रोशी गाउँपालिकाबाट १ जना पुरुष र ३ जना महिला र बनेपा नगरपालिकाबाट १० जना पुरुष र ५ जना महिला गरी २८ जनामा कोरोना संक्रमण पुष्टि भएको कार्यालयका प्रमुख डा.नरेन्द्र कुमार झाको जानकारी छ ।

एक जनाकाे मृत्युु

उनका अनुसार काभ्रेमा आज (आइतबार) थप एक जनाको कोरोना संक्रमणका कारण मृत्यु भएको छ । बनेपा नगरपालिकाका ४५ वर्षीय पुरुषको धुलिखेल अस्पतालमा उपचारको क्रममा मृत्यु भएको डा.झाले बताए । मृतकमा कोरोना संक्रमण पुष्टि भएको उनको जानकारी छ । योसँगै जिल्लामा कोरोना संक्रमणको कारण मृत्यु हुनेको संख्या ८ पुगेको कार्यालयको जानकारी छ ।

आज थपिएका संक्रमितसँगै जिल्लामा कोरोना संक्रमितको संख्या ७ सय २७ पुगेको जिल्ला स्वास्थ्य कार्यालय काभ्रेले जनाएको छ । कार्यालयका अनुसार अहिले काभ्रेमा सक्रिय कोरोना संक्रमितको संख्या २ सय ७२ रहेको छ । जिल्लाका ४ सय ४८ जनाले उपचारपछि कोरोना जितेर घर फर्किएका छन् ।