काभ्रेमा एकैदिन ५६ जनामा काेराेना संक्रमण

असोज २०, काभ्रे। काभ्रेमा एकैदिन ५६ जनामा कोरोना संक्रमण पुष्टि भएको छ । स्वास्थ्य कार्यालय काभ्रेका अनुसार आज एकैदिन ५३ जनामा कोरोना संक्रमण पुष्टि भएको हो ।

संक्रमित हुनेमा धुलिखेल नगरपालिकाका १२ जना महिला र ५ जना पुरुष रहेका छन् । त्यस्तै नमोबुद्ध नगरपालिकाका १५ जना पुरुष र ३ जना महिला, बनेपा नगरपालिकाका १० जना पुरुष र ५ जना महिला रहेका छन् । त्यसैगरी पनौती नगरपालिकाका एक जना महिला र एक जना पुरुष, पाँचखाल नगरपालिका २ जना पुरुष, मण्डनदेउपुरका १ जना पुरुष र भुम्लु गाउँपालिकाका एक पुरुष रहेका छन् ।

योसँगै जिल्लामा कोरोना संक्रमितको संख्या ८२४ पुगेको छ । आज एकैदिन ६९ जना कोरोना निको भएर घर फर्किएका छन् । हालसम्म ५२४ जना निको भएर घर फर्किएका छन् ।

जिल्लामा कोरोना संक्रमणका ८ जनाको मृत्यु भएको छ ।