कोरोना संक्रमित थप १२ जनाको मृत्यु, ३४ सय ४२ मा संक्रमण पुष्टि

बैशाख १३, काठमाडौँ । पछिल्लो २४ घन्टामा ३४ सय ४२ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार यो अवधिमा १२ जना संक्रमितको मृत्यु भएको छ भने तीन सय ७८ जना निको भएका छन् ।

योसहित देशभर कोरोना संक्रमितको संख्या तीन लाख तीन हजार पाँच सय ११ पुगेको छ । दुई लाख ७७ हजार नौ सय ५१ जना संक्रमणमुक्त भएका छन् । मृत्यु हुने संक्रमितको संख्या तीन हजार एक सय ७६ पुगेको छ ।

अहिले २२ हजार चार सय ३४ जना आइसोलेसनमा र ६५ जना क्वारिन्टनमा रहेको मन्त्रालयले जनाएको छ ।