पनौतीमा तयार भयो २५ शैयाको आइसोलेसन केन्द्र

बैशाख २५, काभ्रे। पनौती नगरमा कोरोना संक्रमित बिरामीको उपचारका लागी २५ शैयाको आइसोलेसन केन्द्र तयार गरिएको छ। नगरपालिकाको वडा नम्बर-४ को वडा कार्यालय भवनमा अक्सिजन सहितको आइसोलेसन केन्द्र तयार गरिएको हो।

यस्तै कोरोना संक्रमित बिरामीको लागी २४ सै घण्टा एम्बुलेन्स पनि तयारी अवस्थामा रहेको पनौती नगरपालिकाका उप-मेयर गीता बन्जाराले जानकारी दिनुभयो। स्वास्थ्यमा समस्या भएमा, कोभिड-१९ को लक्षण देखा परेमा नगरपालिकाका स्वास्थ शाखा प्रमुख, स्वास्थ्यकर्मीहरु तथा एम्बुलेन्सका चालक प्रेम लामालाई मोबाईल नं. 9841-008238 मा यथाशिघ्र सम्पर्क गर्न उप-मेयर बन्जाराले अनुरोध गर्नुभएको छ।

आइसोलेसन केन्द्रमा रहेका सबै बेडमा अक्सिजनसहितको अत्यावश्यक स्वास्थ्यसामग्रीको व्यवस्थापन गरिएको छ भने चौबिसैघण्टा स्वास्थ्यकर्मीले हेरचाह र निगरानी गर्ने व्यवस्था गरिएको छ । कोभिड १९ का बिरामीको संख्याको आधारमा स्वास्थ्यकर्मी खटाइनेछ ।

पनौती नगरपालिकासंग ८० वटा बेड रहेको र आवश्यकता परेको खण्डमा आइसोलेसन केन्द्रमा बेड थप गर्न सकिने नगरपालिकाका उप-मेयर गीता बन्जाराले बताउनु भएको छ।