कोरोनाका कारण ज्यान गुमाएकाका परिवारलाई धुलिखेल नगरपालिकाले किरिया खर्च दिने

नौलो समाचार संवाददाता
२०७८ जेष्ठ २०, बिहिबार मा प्रकाशित ९३४ पटक पढिएको
कोरोनाका कारण ज्यान गुमाएकाका परिवारलाई धुलिखेल नगरपालिकाले किरिया खर्च दिने

जेठ २०, काभ्रे। काभ्रेको धुलिखेल नगरपालिकाले कोरोना भाईरसको संक्रमणका कारण ज्यान गुमाएकाका परिवारलाई किरिया खर्च दिने भएको छ । संक्रमणबाट ज्यान गुमाएकाका परिवारलाई किरिया खर्च वापत १५ हजार रुपौयाँ दिने निर्णय नगरपालिकाल गरेको नगर प्रमुख अशोक कुमार व्याञ्जू श्रेष्ठले बताउनुभयो ।

संक्रमणबाट ज्यान गुमाएकाका परिवारको मनोबल बढाउनुका साथै यस्तो बेला स्थानीय सरकारको उपस्थिति जनाउन थोरै रकम भए पनि सहयोग गर्ने उदेश्यले यस्तो निर्णय गरिएको बताईएको छ ।

नगरपालिकाले संक्रमणबाट ज्यान गुमाएकाका, सङ्क्रमित भएका परिवारमा अन्य खाले स्वास्थ्य समस्या र मनोसामाजिक समस्या नहोस् भनी स्वास्थ्य परामर्श सहित घरदैलो कार्यक्रमसमेत गरिरहेको छ ।

यस्तै नगरपालिकाका स्वास्थ्यकर्मी स्वास्थ्य सामग्री र औषधिसहित सङ्क्रमितका घरमा पुग्ने गरेका छन् ।

नगरपालिकामा रहेका कोरोना सङ्क्रमितको स्वास्थ्य अवस्था बुझ्न र उनीहरुको सम्पर्कमा आएकालाई परीक्षणको दायरामा ल्याउने कार्य नगरले गरिरहेको छ ।

प्रतिक्रिया दिनुहोस