नमोबुद्ध\ विजया दशमीको सन्दर्भ पारेर नमोबुद्ध वडा नम्वर १ र ११ का १५ सय घरधुरीलाई चामल वितरण गरिएको छ ।
नमोबुद्द १ स्थित ठाङ्गु टासी याङ्चे गुम्बाका संस्थापक गुरु ठाङ्गु रेन्पोछेको स्मृतिमा नमोबुद्ध वडा नम्वर १ र ११ का १५ सय घरधुरीलाई १ बोरा चामल वितरण गरिएको हो ।
गुरु रेन्पोछेको सिघ्र पुनर्जन्म होस् भन्ने कामना सहित उहाँको स्मृतिमा उक्त दान गरिएको गुम्वाका सचिव दोर्जे टासी लामाले जानकारी दिए ।
गुरु रेन्पोछेको ९१ वर्षको उमेरमा जेठ २१ गते परिनिर्वाणा (देहावसान) भएको थियो । कार्तिक १८ गते उनको अन्तिम संस्कार गरिदैछ ।
नमोबुद्ध नगरपालिकाका प्रमुख कुनसाङ लामा, वडा नम्बर १ का अध्यक्ष प्रेमबहादुर तामाङ, वडा नम्बर ११ का अध्यक्ष कृष्णबहादुर तामाङ, ठाङ्गु टासी याङ्चे गुम्वाका पदाधिकारी समेतको उपस्थितीमा वितरण गरिएको थियो ।
चामल वितरण गर्दै नगर प्रमुख कुनसाङ लामाले मानवीय सेवा गरेकोमा आभार प्रकट गरे ।
प्रतिक्रिया दिनुहोस