बनेपा \ बनेपा नगरपालिका प्रमुख शान्तीरत्न शाक्यले आफ्नो जन्मदिन वनेपा–९ स्थित बौद्ध बृद्धाश्रममा रहेका आमा बुबासंग मनाएका छन् ।
पत्नी मन्दिरा शाक्य, बनेपा नगरपालिकाका प्रमुख प्रशासकीय अधिकृत भोलाप्रसाद चापागाई, बनेपा वडा नं ८ का अध्यक्ष शुभलक्ष्मी मानन्धर, वडा नं ९ का अध्यक्ष नृपेश बादे, वडा नं १४ का अध्यक्ष टुल्कु लामासहित खाद्यान र न्यानो कपडा लिएर पुगेका नगर प्रमुख शाक्यले आफ्नो ५७ औं जन्मदिन वृद्धाश्रममा रहेका बाबु आमासंगै बसेर मनाएका हुन् ।
त्यहाँ रहेका जेष्ठ नागरिकले तातोपानीको समस्या रहेको सुनाएपछि नगर प्रमुख शाक्यले एक दुई दिनभित्रै तातोपानी आउने गरी सामान जडान गर्ने प्रतिवद्धता जनाएका छन् ।
प्रतिक्रिया दिनुहोस