बेलबोटटार/ लायन्स क्लब अफ काठमाडौ प्रभु आर. टि. ले नमोबुद्ध वडा नम्बर ६ स्थित भगवती प्राथमिक विद्यालयका विद्यार्थीलाई शैक्षिक सामाग्री र न्यानो कपडा वितरण गरेको छ ।
सामुदायिक विद्यालय सहयोग कार्यक्रम २०२४ अन्तर्गत सो विद्यालयलाई सहयोग गरिएको क्लवका अध्यक्ष सन्जय लामाले जानकारी दिए ।
नमोबुद्ध नगर प्रमुख कुनसाङ लामा, नमोबुद्ध वडा नम्बर ६ का अध्यक्ष टीकाबहादुर केसि, चार्टर प्रेसिडेन्ट जस्मिन श्रेष्ठ लगायत क्लवका पदाधिकारीहरुले ती सामाग्री बालबालिकालाई हस्तान्तरण गरेका थिए ।
क्लवले विद्यालयका शैक्षिक एवं प्रशासनिक गतिविधिमा सहयोग पुगोस् भनेर १ थान प्रिन्टर समेत सहयोग गरेको छ ।
नगर प्रमुख कुनसाङ लामाले सामुदायिक विद्यालयको गुणस्तर सुधार गर्न शिक्षक, अभिभावक लगायत सबै सरोकारवालाको उत्तिकै भुमिका हुने बताए ।
विद्यालय विद्यालय व्यवस्थापन समितीका अध्यक्ष प्रेमध्वज लामा, प्रधानाध्यापक नवीन अधिकारीले सहयोगी दातालाई आभार प्रकट गर्दै आगामी दिनमा समेत निरन्तरताको कामना गरे ।
प्रतिक्रिया दिनुहोस