साँगा / ३० औं संस्करणको आइजिपी फुटबल रनिङ ट्रफी मंसिर १८ गतेदेखि नेपाल पुलिस स्कुल साँगा, काभ्रेमा सुरु हुँदैछ ।
प्रतियोगितामा आयोजक नेपाल पुलिस स्कुलका दुई टिम सहित १७ विद्यालयका १८ टिमले प्रतिस्पर्धा गर्नेछन् । नेपाल पुलिसकै सामाखुसी, धरान, दाङ र चितवनस्थित स्कुलसहित काभ्रे र काठमाण्डौ उपत्यकाका विभिन्न विद्यालयहरूको सहभागिता रहनेछ ।
लिग कम नकआउट आधारमा सञ्चालन हुने यो प्रतियोगिता पौषको दोस्रो सातासम्म चल्नेछ ।
प्रतियोगिताका विजेताहरूलाई नगद पुरस्कारसहित ट्रफी, मेडल र प्रमाणपत्र प्रदान गरिनेछ । पहिलो, दोस्रो र तेस्रो स्थान प्राप्त गर्ने टिमहरूले क्रमशः ६० हजार, ४० हजार र २० हजार रुपैयाँ जित्नेछन् । उत्कृष्ट खेलाडीहरूलाई व्यक्तिगत विधामा विशेष पुरस्कार प्रदान गरिनेछ ।
यस वर्षदेखि खेलाडीहरूको सुरक्षामा ध्यान दिँदै बिमाको व्यवस्था गरिएको आयोजकले जनाएको छ।
प्रतिक्रिया दिनुहोस