असार १२, काभ्रे। पाँचखाल नगरपालिकाले नगरका कृषकहरुलाई पाडी बितरण गरेको छ। नगरपालिकाले नगर क्षेत्रका कृषकहरुलाई आत्मनिर्भर बनाउन उन्नत जातका पाडी बितरण गरेको हो।
आज (शनिवार) एक कार्यक्रमका विच वडा नं ५ का कृषकहरुलाई ६० वटा पाडी बितरण गरिएको नगरका पशुविकास शाखा प्रमुख दत्तप्रसाद गौतमले जानकारी दिनुभयो। पाँचखाल वडा नं ५ को खावामा नगरप्रमुख महेश खरेलले कृषकहरुलाई पाडी वितरण गर्नुभएको हो।
लागत साझेदारीमा मध्यपहाडी लोकमार्ग दुग्ध उत्पादन कार्यक्रम अन्तर्गत नगरपालिकाले ५ं० प्रतिशत अनुदानमा पाँचखाल नगरमा १ सय ५४ वटा पाडी बितरण गरिने नगरप्रमुख महेश खरेलले जानकारी दिनुभयो।
व्यवसायिक पशुपालनमा किसानलाई आकर्षित गर्न र किसानको आयस्तर वृद्धि गर्न अनुदानमा उन्नत जातको भैसीका पाडी वितरण कार्य सुरु गरेको नगरप्रमुख खरेलले बताउनुभयो।
बितरण गरिएको सबै पाडीको विमा समेत भइसकेको छ।
नगरपालिकाले पहिलोचरणमा वडा नं ३ मा २५ वटा, वडा नं ५ मा ६० वटा, वडा नं ६ मा २५ तथा वडा नं १३ मा ४४ वटा पाडी बितरण गर्न लागेको छ।
कार्यक्रममा पाँचखाल वडा नं ५ का वडा अध्यक्ष बालकृष्ण सापकोटा, वडा सदस्यहरु लगायतको सहभागिता रहेको थियो ।
प्रतिक्रिया दिनुहोस