पुष १५, काभ्रे। काठे लोक दाहोरी गायक दिपक रिमालको पछिल्लो प्रस्तुति ‘तीन्टी स्वास्नी’ बजारमा आएको छ ।
थुप्रै लोक दोहारी गीत बजारमा ल्याइसकेका काठे लोक दोहारी गायक रिमालको पछिल्लो लोक दोहारी गीत ‘तीन्टी स्वास्नी’ समसामयिक विषयमा तयार भएको हो । तीनवटी बिहे गर्दा नि घर नभएपछिको तनावलाई गीतमा समेटिएको यस गीतमा तीन-तीन वटी बिहे गर्दा नि तीनै वटी पोईल हिँडे पछिको अवस्था अनि घरायसी उतार चढावलाई रिमालले सरल तरिकाले प्रस्तुत गरेका छन् ।
शब्द संगीत रिमाल कै रहेको गीतमा रिमाल र प्रिन्सिका शंकरको स्वर रहेको छ । उक्त लोक दोहोरी गीतको भिडियोमा भक्तपुर चाँगुनारायण नगरपालिका चरेलीको रमणीय दृश्य समेटिएको छ ।
भिडियोमा रिमालको साथमा गायिका शंकर, कलाकार निर्देशक अमरकृष्ण चन्द, नविना ब्लोन, सुन्दरी लामा, राम परियार, सरोज गहतराज, गंगा लामिछाने लगाययतले उत्कृष्ट अभिनय गरेका छन् ।
भिडियोको निर्देशन समेत गायक रिमालले नै गरेका छन् भने भिडियोमा छायाँकन सम्पादन सुमन लामाको रहेको छ ।
समय सान्दर्भिक अनि निकै नै मर्मस्पर्सी ‘तीन्टी स्वास्नी’ गीत उत्कृष्ट बनेकोले लोक दोहोरी प्रेमीहरुले मन पराइदिनेमा रिमाल ढुक्क देखिन्छन् ।
तीन्टी स्वास्नी बिहे गर्दा नि घर नभएको आखिर कारण के हो त भन्ने सन्देश मुलक गीतको भिडियो उत्कृष्ट बनेको गायक रिमाल बताउँछन् ।
भिडियो हेर्नुहोस् :-
प्रतिक्रिया दिनुहोस