काभ्रेको पनौतीमा कोरोना भाईरस बिरुद्धको खोप अभियान सम्पन्न

चैत २, काभ्रे। कोरोना भाईरस बिरुद्धको दाेश्रो चरणको खोप अभियान काभ्रेको पनौती नगरपालिकामा समपन्न भएको छ । यही फाल्गुन २३ गतेबाट सुरु भएको दास्रो चरणको खोप अभियानमा ६५ वर्ष भन्दा माथिका नागरिकहरुलाई लक्षीत गरिएको थियो ।

खाेप अभियान अन्तर्गत पनाैती नगरपालिकामा १ हजार ८ सय ३४ जनाले खोप लागएका स्वास्थ्य शाखाका प्रमुख पुरूषाेत्तम   तिमल्सिनाले जानकारी दिनुभयो। उहाँका अनुसार नगरपालिकाको बिभिन्न स्थानमा तोकिएको खोप केन्द्र मार्फत ३ हजार भन्दा धेरैले खोप लागाउने अनुमान गरिएको थियो ।

फागुन २३ गते शान्ति निकेतन मा.वि. रयाले र कुशादेवी मा.वि. कुशादेवीमा खोप कार्यक्रम संञ्चालन गरिएको थियो भने २४ गते खोपासी प्राथमिक स्वास्थ्य केन्द्र र बल्थली स्वास्थ्य चौकी,२५ गते वडा नम्बर ९ को कार्यालय र वडा नम्बर ६ को सरस्वती कुञ्ज विद्यालयमा खोप केन्द्र तोकेर खोप लागाईएको थियो  । यस्तै २६ गते स्वयत गणेश विद्यालय सुब्बा गाँउ, कोलाती भुमिडाँडा स्वास्थ्य चौकीमा, २७ गते मल्पी स्वास्थ्य चौकी, पनौती बेन्वेट र २८ र २९ गते ईन्द्रेश्वर उच्च मा.बिमा खोप केन्द्र तोकेर खोप कार्यक्रम संञ्चालन गरिएको थियो ।