सिन्धुपाल्चोकमा आंशिक ‘लकडाउन’

बैशाख १८, सिन्धुपाल्चोक। सिन्धुपाल्चोकमा कोरोेना भाइरसको दोस्रो लहरमा संक्रमितको संख्या बढ्दै गएपछि बजार क्षेत्रमा आंशिक लकडाउन गरिने भएको छ ।

शुक्रबार बसेको कोभिड १९ संकट व्यवस्थापन समितिको बैठकले कोरोना संक्रमित बढ्दै गएपछि जिल्लाका मुख्य बजारमा लकडाउन गर्ने निर्णय गरेको हो । चौतारा, मेलम्ची, खाडिचौर र बाह्रबिसेका पसल व्ययवसाय बिहान १० बजेसम्म मात्रै सञ्चालन गर्न दिईने भएको छ । अत्यावश्यक बाहेक उक्त बजारका स्थानीयलाई घर बाहिर ननिस्कन पनि समितिले आग्रह गरेको छ ।

साथै होटल, रेष्टुरेन्ट सञ्चालन गर्दा पूर्ण स्वास्थ्यमापदण्ड पालना गरेर गराउन समेत बैठकले आग्रह गरेको छ । साथै जिल्ला प्रवेश गर्ने नाकाहरुमा हेल्थ डेस्कको स्थापना गरि कडाइ गरिने भएको छ ।

यो जिल्लामा संक्रमितको संख्या ५७ जना मात्र रहेको छ।