जन्ती बोकेको जीप दुर्घटनामा मृतकको संख्या पाँच जना पुग्यो

पुस १३, रौतहट। रौतहटमा जन्ती बोकेको जीप (स्कोर्पियो) दुर्घटना हुँदा पाँच जनाको मृत्यु भएको छ। गौरबाट चन्द्रनिगाहपुरतर्फ जाँदै गरेको भारतीय बीआर ०५पीए ६९५३ नम्बरको जीप दुर्घटना हुँदा पाँच जनाको मृत्यु भएको जिल्ला प्रहरी कार्यालयका प्रवक्ता सुनील मल्लले जानकारी दिनुभयो।

मंगलबार ४ः१० बजे जन्ती बोकेको जीप अनियन्त्रित भएर दुर्घटना हुदा ‘पाँच जनाको मृत्यु भएको प्रवक्ता मल्लले बताउनुभयो।

उक्त जीपमा सात जना सवार रहेका थिए । बाँकी दुई जना घाइते रहेका मल्लले बताउनुभयो। ‘दुई जना घाइतेमध्ये एक जनाको स्थानीय अस्पतालमा उपचार भइरहेको छ। अर्का घाइतेलाई उपचारका लागि वीरगञ्ज पठाइएको छ।

प्रवक्ता मल्लका अनुसार गरुडा नगरपालिकाको जयनगरमा अनियन्त्रित हुँदा जीप दुर्घटना भएको प्रारम्भिक अनुमान गरिएको छ। मृतक र घाइतेको परिचय खुलिनसकेको उहाँले बताउनुभयो।