अब बाइकमा ‘मोबाइल स्ट्यान्ड’ राखे कारवाही, २ देखि २० हजारसम्म जरिवाना

नौलो समाचार संवाददाता
२०७९ भाद्र १५, बुधबार मा प्रकाशित ५३० पटक पढिएको
अब बाइकमा ‘मोबाइल स्ट्यान्ड’ राखे कारवाही, २ देखि २० हजारसम्म जरिवाना

भदौ १५, काठमाडौं। ट्राफिक प्रहरी कार्यालयले बाइकमा मोबाइल स्ट्यान्ड राख्ने चालकलाई कारबाही गर्ने भएको छ।

म्याप हेर्न वा फोटो/भिडिओ खिच्नका लागि बाइकमा माेबाइल स्ट्यान्ड राख्दा दुर्घटना निम्तिएकाे भन्दै ट्राफिक प्रहरीले देशैभर यसकाे प्रयाेगमा निषेध गरेकाे हाे।

सवारी साधनमा कुनै पनि परिवर्तन जस्तै; स्वरूप परिवर्तन, रङ्ग परिवर्तन, नयाँ पाटपूर्जा थपघट गर्नु कानूनतःः प्रतिबन्धित रहेको बताउदै ट्राफिक प्रहरी कार्यालय काठमाडौंका प्रवक्ता प्रहरी वरिष्ठ उपरीक्षक राजेन्द्रप्रसाद भट्टले त्यसमा स्ट्यान्ड जोड्नु पनि मोडिफाई गर्नुभित्र पर्ने बताउनुभयो।

बिलबुकको अन्तिम पृष्ठमा जुन कुरा उल्लेख छ, त्यसभन्दा बढी भएमा कारबाही गरिने उहाँले बताउनुभयो।

मोबाइल हेर्दै बाइक सवारी चलाउँदा दुर्घटना बढ्ने सम्भावना हुने बताउदै उहाँले “यसै पनि ड्राइभिङ गर्दा मोबाइल फोन प्रयोग गर्नु गैरकानूनी काम भएको स्पष्ट पार्नुभयो। चालकले एक हातले बाइक थाम्ने अर्को हातले मोबाइल चलाउने हुँदा सवारी दुर्घटनाको जोखिम बढेका छन्।

अहिले सम्झाई बुझाई गर्नेदेखि न्यूनतम जरिवाना लिने गरेको र चाँडै नै सिधै कारबाही प्रक्रियामा जाने उहाँले जानकारी दिनुभयो।

बाइकमा कुनै पनि किसिमको मोबाइल स्ट्यान्ड राख्दा वा अन्य मोडिफाई गर्दा ट्राफिक प्रहरीले ५०० देखि २ हजार रुपैयाँसम्म जरिवाना तिराउने उहाँले बताउनुभयो।

यदि थप अटेर गरे वा नियम नमानेकाे पाइएमा यातायात कार्यालय पठाइने उहाँकाे भनाइ छ। यातायात कार्यालय पठाएको खण्डमा न्यूनतम पाँच हजारदेखि २० हजार रुपैयाँसम्म जरिवाना लाग्ने व्यवस्था रहेको उहाँले बताउनुभयो।

प्रतिक्रिया दिनुहोस


error: Content is protected !!