मंसिर १६ काभ्रे। काभ्रेमा ३२ हजार ४५५ मत बदर भएको छ।
मंसिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनमा काभ्रेमा प्रत्यक्ष तथा समानुपातिक दुवैतर्फ तीन दशमलव सात प्रतिशत मत बदर भएको हो।
जिल्ला निर्वाचन कार्यालय काभ्रेका अनुसार काभ्रेमा १ लाख ८७ हजार ३३० जनाले मतदान गरेका थिए। जिल्लामा ३ लाख १० हजार ६३ मतदाता रहेका थिए।
जिल्ला निर्वाचन अधिकारी उमेशकुमार राईका अनुसार ८६ हजार ४६२ महिला तथा १ लाख ८ हजार ६८ पुरुष मतदाता मतदानमा सहभागी भएका थिए।
क्षेत्र नं १ मा कुल खसेको मतमा प्रत्यक्षतर्फ ४ हजार ४२६ तथा समानुपातिकतर्फ ३ हजार ७ सय २२ मत बदर भएको छ। क्षेत्र नं १ प्रदेशसभा ९१० मा प्रत्यक्षतर्फ १ हजार ५ सय ८४, प्रदेशसभा ९२० मा प्रत्यक्षतर्फ १ हजार ४६३ तथा प्रदेशसभा ९१० र ९२० मा समानुपातिकतर्फ ४ हजार ८७२ मत बदर भएका थिए।
क्षेत्र नं २ मा प्रत्यक्षतर्फ ३ हजार ८३७, समानुपातिकतर्फ ३ हजार ९१३ तथा क्षेत्र नं २ ९१० मा प्रत्यक्षतर्फ १ हजार ४५१, क्षेत्र नं २ ९२० मा १ हजार ७५१ तथा समानुपातिकतर्फ ५ हजार ४२६ मत बदर भएका थिए।
यसैबीच प्रतिनिधिसभा तथा प्रदेशसभा निर्वाचनमा प्रत्यक्षतर्फको मतपरिणामअनुसार काभ्रेका ५० उम्मेदवारको जमानत जफत भएको छ।
प्रत्यक्षतर्फ प्रतिनिधिसभा र प्रदेशसभा गरी जम्मा ६४ को उम्मेदवारी कायम भएको थियो। धरौटी जोगाउन नसक्ने उम्मेदवार ७८ प्रतिशत छन्।
प्रतिक्रिया दिनुहोस