भानु जयन्तीमा कविगोष्ठी तथा पुस्तक लोकार्पण

असार ३१, काभ्रे। पनौती साहित्य समाजको आयोजना र इन्द्रेश्वर क्याम्पसको संयोजनमा नेपाली साहित्यका आदिकवि भानुभक्त आचार्यको २१० औं जन्म जयन्तीको अवसरमा कविगोष्ठी तथा पुस्तक लोकार्पण कार्यक्रम सम्पन्न भएको छ ।

सो कार्यक्रमा प्रमुख अतिथि डा. तुलसी भट्टराईले नेपाली साहित्यको क्षेत्रमा भानुभक्त आचार्यको उल्लेखनीय भूमिका रहेको विचार व्यक्त गरेका थिए । कार्यक्रमका विशेष अतिथि कवि सूर्य लाकोजूले नेपाली भाषा र साहित्यलाई विकसित तुल्याउन र भाषिक रुपमा सबैलाई एकताको शुत्रमा बाँड्ने काम आदिकवि भानुभक्त आचार्यले गरेको विचार पोखे । अर्का विशेष अतिथि विष्णु ओलीले भानुको स्मरणमा कविता सुनाए । कविगोष्ठीमा करिब दुई दर्जन कविहरुले आफ्ना सिर्जना सुनाएका थिए । कविहरुले मायाप्रेम, राजनीति, सामाजिक विभेद आदिका विषयका सिर्जना सुनाएका थिए । साथै समानता, मायापिरती, समाजिक विकृति, देशप्रेमको भाव पनि वाचित सिर्जनाहरुले बोकेका थिए ।

सोही समारोहमा तुयुकाजी ताम्राकारको ज्ञानीबालकथा संग्रह र इन्द्रेश्वर क्याम्पसको जर्नल पनि लोकार्पण गरिएको थियो । कायृक्रम पनौती साहित्य समाजका अध्यक्ष सुभद्रा दहालको सभापतित्वमा सम्पन्न भएको थियो।