बनेपा \ जिल्लामा सुविधायुक्त इभेन्ट भेन्यू सञ्चालनमा आएको छ । बनेपा नगरपालिका वडा नं ७ मा लोटस इभेन्ट एण्ड रिसेप्सन प्रा. लि. सञ्चालनमा आएको हो ।
इभेन्ट, सभा, सम्मेलन, मेला, गोष्ठी लगायतका कार्यक्रममा एकैपटक २५ सय जनासम्मलाई सेवा दिन सक्ने क्षमतासहित सञ्चालनमा आएको सञ्चालन रामइन्द्र न्यौपानेले जानकारी दिए ।
करिब ९ रोपनी क्षेत्रफलमा फैलिएको भेन्यूमा १० हजार वर्गफीटको सुविधा सम्पन्न हल छ । एकैसाथ १०० वटा कार तथा जीप र २०० वटा मोटरसाईकल पार्किङ्ग क्षमता रहेको कम्पनीले जनाएको छ ।
खाद्य स्वच्छता (खाना सुरक्षा) का सबै नियम पालना गर्दै गुणस्तरीय खाना तथा पेय पदार्थ (बेभरेज) को सेवा प्रदानका लागि योग्यताप्राप्त सेफसहितको टीम र सोही अनुसारको भान्साको व्यवस्था रहेको सञ्चालक न्यौपानेले जानकारी दिए ।
कम्पनीमार्फत इभेन्ट म्यानेजमेन्टको काम पनि भइरहेको शुक्रवार आयोजित पत्रकार सम्मेलनमा जानकारी दिइयो ।
विभिन्न जात–जातीका धर्म, संस्कृति अनुसारका सेवाग्राहीहरुको आवश्यकता निमन्त्रणा कार्ड, भिडियो र स्टिल फोटोग्राफी क्यामेरा, ब्याण्ड–बाजा, पुरोहित(ब्राह्मण, लामा, नेवार, शाक्य), ट्रेड डिजाईन, मेकअप आर्टिस्टको सेवा पनि उपलव्ध हुने कम्पनीले जनाएको छ ।
शुलभ मूल्यमा सबै खालको गुणस्तरीय सेवा दिने उद्धेश्य रहेको कम्पनीले जनाएको छ ।
प्रतिक्रिया दिनुहोस