बनेपा / राष्ट्रिय सहकारी दिवस काभ्रेमा विभिन्न कार्यक्रम गरी मनाउन लागिएको छ ।
जिल्ला सहकारी संघले ६८ औं राष्ट्रिय सहकारी दिवसमा मैत्रीपूर्ण फुटसल, वृक्षारोपण, रक्तदान लगायतका विभिन्न कार्यक्रम गर्न लागेको अध्यक्ष अमन पोटे श्रेष्ठले जानकारी दिए ।
‘मर्यादित सहकारीः समुन्नत समाज’ भन्ने नाराका साथ मनाउन लागिएको दिवसको अवसरमा मंगलबार सहकारी संस्थाविच मैत्रीपूर्ण फुटसल आयोजना गरिएको छ । संघका प्रमुख कार्यकारी अधिकृत अनिल श्रेष्ठका अनुसार, प्लेयर्स फुटसल, बनेपा वडा नं ४ नालामा हुने खेलमा २८ टिमले सहभागिता जनाएका छन् ।
चैत्र २० गते बुधवार झण्डोत्तलनका साथै संघको कार्यालय परिसरमा वृक्षारोपण र रक्तदान गरिनेछ । फुटसलको पुरस्कार वितरण सोही दिन कार्यक्रममा वितरण गरिनेछ ।
प्रतिक्रिया दिनुहोस