धुलिखेल / बडा दशैंमा चंगा उडाउने प्रचलन हराउँदै गएपछि धुलिखेल नगरपालिका वडा नम्वर ४ ले वडाका ३ सय ५० बालबालिका लटाई, धागोसहित चंगा वितरण गरेको छ ।
१० देखि १७ बर्ष उमेरसमूहका बालबालिकालाई चंगा उडाउन सामाग्री प्रदान गरेको वडा अध्यक्ष उत्तमप्रसाद तिमल्सिनाले जानकारी दिए । उनका अनुसार, बालमैत्री घोषणा भएको वडामा बालबालिकाका लागि प्रत्यके बर्ष अलग–अलग कार्यक्रम गरिएको छ ।
वडा सदस्यहरु सुना मंग्रान्ति, सजना परियार, वडा कार्यालयका कर्मचारीहरुले वितरण गरेका थिए ।
सोही अवसरमा बडा दशैंको अवसरमा शुभकामना आदान–प्रदान कार्यक्रम समेत गरियो ।
कार्यक्रममा बाल क्लव सञ्जाल, स्थानीय युवाहरुको सहभागिता थियो ।
प्रतिक्रिया दिनुहोस