पनौती / रोटरी क्लब अफ पनौतीले रोटरी वर्ष २०२६/२७ का लागि राजेश सुन्दर सैंजुको अध्यक्षतामा नयाँ कार्यसमिति चयन गरेको छ ।
कार्यसमितिमा निवर्तमान अध्यक्ष यतिराज अधिकारी, भावी अध्यक्ष कृष्ण प्रसाद सैंजु, आगामी अध्यक्ष इन्द्रमणि तिमल्सिना, उपाध्यक्ष सुबेश ताम्राकार, सचिव मनिष भाइला, कोषाध्यक्ष मधुसुधन गुरागाईं,सर्जेन्ट एट आर्मस् लीलानाथ सापकोटा छन् । निर्देशकहरुमा ई. सितु सैंजु (मेम्बरसिप), मणिप्रसाद सापकोटा (पब्लिक ईमेज),डा. नारायण चरण श्रेष्ठ (युथ सर्भिस), दिपा स्याङतान (क्लव प्रशासन), विनोद बजगाईं (द रोटरी फाउन्डेसन), डा. गणेश बन्जारा (सेवा परियोजना) छन् ।
रोटरी इन्टरनेशनल डिष्ट्रिक ३२९२ का डिष्ट्रिक गर्भनर बिष्णुबहादुर कार्की, पनौती नगर प्रमुख रामशरण भण्डारी लगायतको समुपस्थितिमा कार्यसमितिको ११ औं पदस्थापन गरिएको हो ।
कार्यक्रममा रोटा वर्ष रोटा वर्ष २०२५/२६ का अध्यक्ष यतिराज अधिकारीले आफ्नो कार्यकालमा भएका काम बारे जानकारी दिए भने रोटा वर्ष रोटा वर्ष २०२६/२७ का अध्यक्ष राजेश सुन्दर सैंजुले आफ्नो कार्यकालको कार्ययोजना प्रस्तुत गरे ।
कार्यक्रममा ‘द्रोण–दुर्गा स्मृति पशु कल्याण सम्मान’ नेपाल एनिमल वेलफेयर एण्ड रिसर्च सेन्टर र पनौती नगरपालिका वडा नं ९ स्थित खत्री कृषि फार्मका द्वारिका खत्रीलाई प्रदान गरियो । रोटरी क्लब अफ पनौतीमा नै स्थापित देवसुन्दर स्मृति शैक्षिक सम्मान तिर्थदास कर्माचार्य र देवसुन्दर -पुनदेवी पत्रकारिता सम्मान मदानी बिट डटकम, प्राइम एफएम र चेष्टा साप्ताहिकमा कार्यरत मोतिराम तिमल्सिनालाई प्रदान गरियो । कलाकारिता सम्मान पाल्पाकी लोक तथा दोहोरी गायिका पुनम बस्याललाई प्रदान गरियो ।
कार्यक्रममा रोटरी इन्टरनेशनल डिष्ट्रिक ३२९२ का डिष्ट्रिक गर्भनर विष्णुबहादुर कार्कीले आफ्नो कार्यकालमा देखिने, स्मरणीय र प्रभावकारी एक कार्यक्रम गर्न कार्यसमितिलाई अनुरोध गरे । पनौती नगर प्रमुख रामशरण भण्डारी सामाजिक क्षेत्रमा रोटरी क्लवसंग सहकार्य गर्न नगरपालिका तयार रहेको बताए ।
कार्यक्रममा रोटरी क्लब अफ पनौतीका पूर्व अध्यक्ष मधुसुधन गुरागाई, डा. नारायण चरण श्रेष्ठलगायतले रोटरीले सामाजिक क्षेत्रमा पुर्याएको योगदानबारे चर्चा गरेका थिए ।
प्रतिक्रिया दिनुहोस