२० देशमा फैलियो मङ्कीपक्स भाइरस: उच्च सतर्कता अपनाउन डब्लूएचओको आग्रह

नौलो समाचार संवाददाता
२०७९ जेष्ठ १४, शनिबार मा प्रकाशित ८७३ पटक पढिएको
२० देशमा फैलियो मङ्कीपक्स भाइरस: उच्च सतर्कता अपनाउन डब्लूएचओको आग्रह

जेठ १४, काठमाडौं। मङ्कीपक्स भाइरसको सङ्क्रमण २० देशमा फैलिएको पुष्टि भएको छ। २० देशका २ सय जना भन्दा धेरैमा मङ्कीपक्स संक्रमण पुष्टि भएको विश्व स्वास्थ्य सङ्गठन (डब्लूएचओ) लाई उद्धृत गर्दै समाचार संस्था एएनआईले जनाएको छ।

थप १ सय भन्दा धेरैमा शंकास्पद लक्षण देखिएको छ। मङ्कीपक्स भाइरसका बारेमा धेरै मानिसले ध्यान नदिएको र दिन प्रतिदिन फैलिँदै गएकाले यसले विश्वभरलाई प्रभावित पार्न सक्ने भन्दै डब्लूएचओले चिन्ता व्यक्त गरेको छ।

यस भाइरसका कारण मानिसको ज्यान नै जाने समस्या नभए पनि छिटो छिटो धेरै जनामा सर्ने र शारीरिक समस्या हुने गरेकोले उच्च सतर्कता अपनाउन डाक्टरहरुको अनुरोध छ।

डब्लूएचओका उच्च अधिकारीहरूले सङ्क्रमण देखिएका देशहरूमा थप फैलिन नदिने र नदेखिएका देशहरुमा प्रवेश गर्न नदिनेगरी गरी काम गर्न पनि सबैलाई आह्वान गरेका छन्।

प्रतिक्रिया दिनुहोस