केही मुक्तक

मनमा लागेको मुखले खोल्नुपर्छ
भित्रभित्रै गुम्साएर हुन्न बोल्नुपर्छ
दुईदिने जिन्दगी खुशीसाथ बाँच्न
मनको द्वेषलाई आगोमा पोल्नुपर्छ ।

देखे पनि नदेखेझैं गर्छौ किन ?
छिनछिनमै डेरा सर्छौ किन ?
आफ्नो स्वार्थ पूरा गर्नलाई
मान्छेको नजरबाट झर्छौ किन ?

आफ्ना मान्छे पर सार्छौ
परका मान्छे नजिक पार्छौ
अवश्य आउने छ त्यो दिन
आफ्ना सम्झेर आँसु झार्छौ ।

–सूर्यप्रसाद लाकोजू