फेरि हामी ठगियौं

तिमीले देख्यो हाम्रो नेताले देखेन
तिमीले पान्डोराज बकस भनिरहदां
हाम्रो नेताले एम सि सी उपहार सम्झे
नेपाली जनतालाई स्वतन्त्र रुपमा बिकासको बाटो सम्झे

हो ! तिमीले बारम्बार भकेकै थियो
यो देशको आन्तरिक मामिलाको हस्तक्षेप हो ।
राजनीति तार जोड्ने जबर्जस्ती कूटनीति हो।
अरु देशको सार्वभौमसत्ता र
आफ्नो हितमा अरुको अवमूल्यन कहिल्यै गर्नुहुँदैन ।
तर
हाम्रा नेता आफ्नो राष्ट्रियताको चस्मा लगाएर
कहिल्यै पनि हेरेन
किनकी उनीहरुले चस्मा अर्कै लगाएको थियो।
त्यसैले हाम्रो नेताले व्याख्यात्मक घोषणा गर्दा
तिमी आफ्नो डायरीमा
नोट गर्नु पर्यो ।
फेरि एक पटक नेपाली जनता
आफुलाइ ठगिएको महसुस गरेको छ।

-रत्नप्रसाद अनामणि